Saamy 2 Hindi Dubbed | Full Movie Review

Saamy 2 (Hindi Dubbed) - Saamy 2 Tamil Full Movie Review.

Saamy 2 Hindi Dubbed movie review
Saamy 2 Hindi Dubbed movie review
Movie:
Saamy 2
 Language:
 Tamil Movie Dubbed in Hindi
 Cast:
  • Chiyaan Vikram
  • Keerthy Suresh
  • Bobby Simha
  • Aishwariya Rajesh
 Hindi Dubbed version:
Dubbed By Zee Cinema
 Director:
Hari
 Music:
Devi Sri Prakash (DSP)
 Release Date:
21 September 2018 in Tamil and 10th November 2019 in Hindi

Story of Saamy 2:

  • To Saamy 2 story hai Ram Saamy yani Vikram ki jo ki IAS ke student hai aur filhal vo apne raajya ke chief minister ke paas ek manager ki naukri kar rahe hai. Unhone IAS ka exam de diya hai aur apne results ka abhi intazaar kar rahe hai. Aur vahi Ram Saamy ke Dada-Dadi ne unse ye baat chupai rakhi hai ki unke pita ek IAS nahi ek IPS the kyu ki vo nahi chahte the ki unka pota bhi unke bete ki tarah ek police officer bane. Vahi doosri taraf Raavana Pichai yani ki Bobby Simha jo ki bete hai Perumal pichai ke jise Ram Saamy ke Pita ne maara tha. To yaha Bobby Simha ki dushmani hai usi minister se jiske yaha Vikram (Ram Saamy) kaam karte hai.
To Kese aur kyu ek IAS banne ki taiyaari kar raha Ram Saamy ek IPS ban jaate hai aur kya hota hai tab Ram Saamy aur Raavana Pichai ka hota hai aamna saamna ye hi movie ki aage ke story hai.


Plus Points:

  • To iss film ka jo sabse bada plus point hai jis ke vajh se movie kuch dekhne layak banti hai vo hai Vikram aur Bobby Simha. Ji ha vo ye dono hi jin ki vajh se ye film ko ek dekhne layak film banate hai. Agar director iss film mai Bobby Simha ki jagah kisi bhi aur actor ko liya hota to ye film puri tarah se ek tarfa flat pad jaati.
  • Iss ke alawa movie ka jo doosra bada plus point hai vo hai iss film ka action or dialogues.

Minus Points:

  • Story Line: To agar aap 2003-04 ki kisi movie ka sequel bana rahe hai to eska matlab ye to nahi ki movie ki plot bhi usi time ka rakha jaaye. Director Hari ne Singam series ke teeno hi parts ko kaafi aachi tarah se banaya tha jismai unhone humasa movie kuch naya le ke aate rehte the, jis wajah mai unhi kaafi respect bhi karta hun. Lekin iss film ka plot kaafi jada poorana najar aata hai.
  • Iske alawa movie ki lenght bhi kaafi jada rakhi gai hai: Movie ka first half kaafi jaada slow najar aata hai jismai aako kaafi jada bina matlab ke scenes miljaayi.
  • Saamy 2 huma comedy department mai bhi kaafi jada niraash karti hai jismai sayad aap maise kai logo hasi bhi naa aaye.
  • Film ka ek bohat hi famous dialogue hai jis Hindi mai matlab hota hai mai police nahi ek gunda hun jise leke film ka first part banaya gaya tha aur blockbuster bhi hua tha aur usi cheez ko second part mai bhi aazmaya gaya hai lekin iss baar jo Vikram sir ka gunde wala shade hai vo kaafi feeka nazar aata hai.

Hindi Dubbed version:

Saamy 2 ke Hindi dubbed version ka naam bhi Saamy 2 hi rakha gaya hai aur film mai Vikram sir ko aawaj de rahe hai Aaditya Raaj Sharma. Jinhone iss se pehle bhi Vikram ko Iru Mugar ke Hindi dubbed version yaani ki International Rowdy mai aawaj de chuke hai. Aur Vikram sir pe unki awwaj bilkul perfect bhi lagti hai. Matlab Hindi dubbing department mai aapko niraash to nahi milegi aur bas yehi ummid kar sakte hai ki film ke gaane dubb naa kiye gaye ho aur agar kiye bhi ho to kam se kam vo sunn ne layak rahe.



Saamy 2 ke Hindi promo jo ki Zee Cinema pe aa rahe unhe dekh ke lagta hai iss baar Zee Cinema dubbing se humai niraash nahi karega.

Final Verdict:

To iss pure film ko dekhte waqt ek cheez jo mere dimaag mai aa rahi thi vo ki film makers ke paas koi nai khaas story line thi nahi movie ke liye bas vo first installment ke dum par Saamy 2 ko release karna chahte the.

To ek line mai kaha jaaye to Saamy 2 ek full maas entertaining film hai jo sirf unhe pasad aayegi to ek film 5-6 action sequences aur kuch stylish dialogues ko sun kar khus ho jaate hai. Lekin agar aap bhi unmai se hai jinhe har movie mai kuch naya aur hutke chaiye rehta hai to ye film aapko niraash karne waali hai. To mere taraf se iss film ko 3/5*.

Watch Saamy 2 Hindi Dubbed:

To movie ka world television premiere hoga 10 November ko Dopahar 12 baje Zee Cinema aur Zee Cinema HD par. Aur agar film ke YouTube rights Pen Movie ke paas huye (jo ki television premiere wale din saaf ho jaayega) to ye film aapko YouTube online free mai available ho jaayege jaha se aap film ko download bhi kar paayege. Nahi to phir television premiere ke 1-2 mahine baad aapko ye film Zee5 par online mil jaayega.

Movie ka Telugu version already Hotstar pe available hai, to agar aap English subtitles ya phir Telugu language ke saath comfortable hai to aap iss movie abhi online dekh sakte hai free mai.

Post a Comment

0 Comments